Алғашқы әскери дайындық пәнінің мұғалімі Есимов Ануарбек Оралбекұлы оқушыларды сапқа тұрғызып, оқытушыға рапорт беріп, амандасу, түгендеу, оқушылардың сырт көрінісін тексеріп болғаннан кейін «Төтенше жағдайлардың алдын алу және жою» тақырыбында презентация көрсетілді.
Ұйымдастырушы азаматтық қорғаныс жайлы түсініктеме берді:Азаматтық қорғаныс – жалпы мемлекеттік қорғану шаралар жүйесінің құрамдас бөлігі. Ол дұшпанның түрлі қаруларының, техногендік және табиғи апаттың негізгі факторларының халыққа әсерін әлсірету үшін құралған.
Бейбіт уақыттағы және соғыс уақытындағы төтенше жағдайлар туралы хабарлау жүйесі әрбір төтенше жағдайдың өз ерекшеліктері бар және халықтың қауіпсіздігін қамтамасыз ету үшін атқарылатын шаралардың нақты тізбесі бар. Сонымен қатар төтенше жағдайлар болған ретте адамдарды қорғау үшін қолданылатын іс - қимылдың жалпы жиыны болады, оған күнілгері және төтенше жағдай болғанда тікелей жүргізілетін шаралар қамтылады. Күнілгері жүргізілетіндері: берілген аумақта болуы мүмкін төтенше жағдайды болжамдау, ықтимал төтенше жағдайлардың шығындарын азайтуға бағытталған шаралар, төтенше жағдай болған кезде жүзеге асырылатын іс - қимылды жоспарлау, төтенше жағдайларда қолданылатын күш пен құралды дайындау, халыққа төтенше жағдайлардағы құлық ережелерін үйрету, төтенше жағдайларда болуы мүмкін материалдық қор жасау. Халыққа хабарлау дегеніміз су басу, орман өрті, зілзала, тасқын не басқадай дүлей апат туралы ескерту, болған апат не алапат туралы ақпарат беру. Бұл үшін байланыс, радио және теледидар құралдарының барлығы қолданылады. Уақыт – басты фактор. Төтенше жағдайларда оны зая жіберуге болмайды. Адамдардың тағдыры осыған көп байланысты. Қазақстан республикасындағы радиотрансляция жүйесі кең тараған. Радиотрансляция торабы жоқ бірде - бір қала, ірі елді мекен жоқ. Кәсіпорындардың, оқу орындарының көпшілігінің өз радиоторабы бар.
Оқу орындарындағы АҚ - тың негізгі құрамалары құтқару командалары болып табылады. Олар зардап шеккендерді іздестіру үшін, оларды үйінділер астынан және зақымдану ошағынан алып шығуға; үйінділерді тазалауға; құлап жатқан қорғаныш құрылыстарын ашуға; зақымданушыларға алғашқы дәрігерлік көмек көрсету мен оларды емдеу мекемелеріне тасымалдау үшін тағайындалады деп мәлімет берді.Мектеп оқушыларына дабыл соғылып,оқушылар және мұғалімдер мектептен шығып, 10 метр қашықтыққа алыстады.Азаматтық қорғаныс күніне арналған іс-шара сәтті аяқталып,жараланған адамдар болған жоқ.
Жаңалықты мекеменің сайтында қарау
.jpg)
